Los díes perdíos de Marta Mori

15 06 2011

Dacuando dame por pensar

nos díes que pasaron

y al poco de vivilos

yá nun soi quien a recordar.

Esos díes qu’albidraba perdíos

o que yo mesma quixi que finaran

pa nun siguir sintiendo.

Díes d’agobiu y mancadura,

de trabayu nos güertos del olvidu

y llabios ensuchos de deséu.

Unos díes que,

cuando menos lo camientes,

aporten de sutrucu a la memoria

y t’acuten con una seguranza.

Y ye entós

cuando yá nun cuenten nada,

cuando por fin los sientes como tuyos,

cuando por fin conoces nellos

el tastiu del to sangre

y el soplu del aliendu que t’anima.



Poemes de Xosé Miguel Súarez Fernández

15 06 2011

 

GOLPES DE MAR        

Corres na praya.

Véxote de llonxe

rebrincando na barba del augua,

fendo guiñadas a os golpes de mar que morren na veira,

escapando d’ellos

–burlla inocente–,

deixándoyes llamber namáis as pisuadas llixeiras

dos tous penquíos.

Quén me dera,

condo medres,

qu’así de ben te safaras

dos golpes,

gafos verdá

–esos si–,

da vida.

LLECCIÓN DE NATURALEZA

Ese viermo carpinteiro qu’alluma froxín na noite,

mochicando nel sou firmamento de silveiras,

é a bengala d’un barco qu’afonda sin romedio,

perdido entre el cerzo da memoria.

É tizón enceso brillando solitario

núa llareira que morre,

nun tempo que s’apaga.



UN POEMA D’ANDRÉS SOLAR

15 06 2011

TOI BUSCANDO LA MANERA DE DICITE
QU´HAI MILENTA RAZONES
QUE SE LLAMEN COMO TÚ
Y QU´ESPEREN POR TI
QU´ESPEREN POR TI
A VEGAES CAMIENTO CANSÁU
QUE NIN SIQUIERA SABRAN
QUE TUVIEMOS EQUÍ
ASOLEYANDO UN PAÍS
QUE CAYÓ UNA NUECHE A LA MAR
Y NA MAR Y NA NUECHE
LU QUIXEREN DEXAR
QUE TUVIEMOS EQUÍ
COLA VOZ Y LES MANES
FALANDO D´AMOR
FALANDO DE TI
HAI QUE FACER
DEL ARGAYU UN FUEU
DEL VIENTU UN HERMANU
QU´ESPARDA EL CALOR
HAI QUE SIGUIR
ANSINA Y EQUÍ
HAI QUE SIGUIR
HAI QUE SIGUIR



La fala Astur de Padre Galo

15 06 2011

Las duás falan bien altu en fala dellas,
Recia Vasconia, recia Cataluña,
Ya mientres clamian el vivíu antanu
Cul vivu güey axuntan.

Galicia malencólica suspira,
Ya la sua gaita señaldosa escuita:
Ya cul falaxe de lus sieglus vieyus
Todu lu amargu endúcia.

Asturias ta n’ayén ya tatexandu
Diz cumu ayenas las palabras suas:
Nun quier nada de sou reciu nin sele
La pigarzosa Asturias.



Poema Mánfer de la Llera

15 06 2011

manfer.jpgYe verdá qu ‘esistimos

como seres reales

d’un misteriu nacíos?

¿Nun será illusión fata

d’un óptimu espeyismu?

¿Soí quiciavis yo mesmu… ?

¿Ye verdá que yo esisto… ?

¿O soi parte d’un átomu

en procesu continuu

d’una metamorfosis

¿d’interminable ciclu



Poemes visuales de Nel Amaro

9 06 2011



Moviendose na poesia —– Nené Losada Rico

8 06 2011

 metamorfosis2-be505.gif

 

Muévome na poesía

 

Como cuyarina nuna charca d’augua.

 

La charca mía ya una fueya de papel

 

onde las palabras,

 

sin costa-ys trabayu,

 

esgolan lo mesmo que gusarapos

 

enantes de la metamorfosis.

 

L.lueu, como la rana,

 

ando a saltos

 

l.leendo lo qu’acabo d’escribir

 

ya alcuentro palabras que faltan

 

ya outras muitas que sobran.

 

¡Cuánto meyor me sentía

 

siendo gusarapu

 

sin más pretensiones

 

qu’esnidiar pola charca

 

de la fueya de papel

 

cola l.libertá

 

del qu’inda nun ya nada,

 

pero que s’alcuentra a gustu

 

siendo lo que ya…

 

ya faciendo lo que fai.

 

nene-losada1-202x300.jpg