HÉROES ANÓNIMOS- LA EPOPEYA DEL SOSUELU

23 03 2011

 ¡Oh, Dioses del Olimpu!, echáime una gabita, que nun sé si yo solu podré tirar del carru y finar esta xera.¡Oh, Muses del Parnasu!, sofitáime un migayu, que tamién a vosotres necesita na estaya esti humilde poeta.¡Y a tí, hermanu Apolo!, acudo en tí enfotáu: Tú, que les ames tanto, inspira a les tos Muses, pa qu’elles m’inoculen el néutar del to numen.Que voi narrar la síntesis d’una epopeya diaria que tán llibrando impávidos, nes coraes de la tierra, forníos topos humanos, los héroes anónimos, ¡los homes de la mina!Yo baxé abondes vegaes a lo fondero del Tártaru (tercer rexón del Avernu), a u Plutón tien el so tronu atarraquináu solombres: espeu tros cadavéricos habitantes d’esi reinu.

Yo vime n’ocasiones escorríu poles Furies, que nun queríen dexame lluchar pola esistencia, que’l trabayu me daba,—a mí y a mio familia— allá abaxu nel fondu, onde elles s’erixíen de Dioses d’esi prediu.

Y en delles circunstancies, yo ablayáu, furando chipiteles perestrenchos, esbolígome al centru d’esi mundu, un mundu de materies minerales, baxu un cielo ensin sol y ensin estrelles, onde lo que camines ye a cencielles.

Y enrítense les Fíes de la Nueche, al ver que los humanos el so reinu, intenten invadir p’apoderase d’escomanaes riqueces qu’elles guarden. Y ordenen a la Parca que destruya al que tratare d’entrar dientru l’Arcanu.

Faciendo casu omisu de necies alvertencies, de pies nun montacargues, que baxa en vertical per tubu abovedáu revistíu de cementu, viaxo a la boca l’Orcu. Alluéu per prollongaes galeríes, de metálicos arcos reforzaes, o cuadros de madera bien encaxaos, penetro na morada de les dioses, esponiéndome impávidu, a les monstruoses artes yá emplegaes escontra otros collacios fenecíos: al barrenu qu’españa y t’invalida, al costeru traidor que t’estrapalla, o al argayu carbón de fría lava, que t’endolca na masa y te tapez. O a la invisible nube que mata silenciosa con ósidos durmientes, o a la muerte ruidosa con españíos tremendos del metanu prendíu, al mecese col aire, que con furia espantible retorcigaña o france los arcos o los cuadros, y les xugaes los tayos, na galería y na rampla, acabando nel intre con tola entibación y encelegaes y nuna quiebra ciega. Nesi apavoriáu instante too ye muerte y medrana, desolación y ruines en tola rodalada. Equí nun queda dalu requexu pal amor; equí nun hai afayu pa cantar poesía; equí nun queda nada prestoso pa la vida. Sólo queda un silenciu pa la tristura l’alma; sólo queda un espaciu pal duelgu y pa la murnia, pal lloru y… poco más.

Mas, comu la esistencia ye una llucha continua, colingáu n’estratos carboníferos, (fósiles arbolacios prehestóricos), y a traviés d’una viesca de mampostes, allá voi esmuciéndome na rampla, comu nun tobogán que m’empobina escontra d’un testeru d’oru prieto, ayalga rellumante na solombra. Esti ye’l mio destín. Y quiciabes, quiciabes, pue ser el mio afechar.

Y equí fina’l mio cantu, o más que cantu tartiu, ¡oh, Dioses del Olimpu!, ¡oh Muses del Parnasu!, y ¡oh, Apolo, bon hermanu!. Pa que s’enteren dellos —fabricantes de guerres— que nun son mester griesques ente pueblos hermanos, pos épiques batalles yá se llibren a diariu, nes coraes de la tierra, ente los elementos y los topos humanos, los héroes anónimos, ¡los homes de la mina!

                                  (En Lletres asturianes, 40)

image005.jpg MIO GüELU MIGUEL FOI LLAMPISTERU NEL POZU MARIANES….



Día de les Lletres Asturianes

23 03 2011

La Selmana de les Lletres Asturianes vien celebrándose dende 1980 na primer selmana del mes de mayu, y dende 1989 solía tar consagrada a un autor o autora importante de la lliteratura asturiana, si bien la XXVI Selmana de les Lletres (2005) ruempe con esta tradición al tar dedicada a la Poesía (Col títulu de Poesía en Movimientu), daqué que se caltuvo tamién nel 2006, añu nel que tuvo dedicada al Teatru (col títulu de Teatru a Escena).

La Selmana de les Lletres carauterízase por ser una fecha señalada pa munches instituciones y estayes estremaes. Asina, los profesores de llingua y lliteratura asturiana acostumen a adaptar les sos clases al autor al que tea dedicada la selmana (o a la manifestación lliteraria nel so casu), y les autoridaes autonómiques implíquense na defensa del idioma. Asina ye que dende los caberos años vienen celebrándose recitales de poesía na Xunta Xeneral o repartos de llibros o DVDs de baldre.

Amás de los munchos recitales de poesía y actos culturales que se celebren per toa Asturies nesta selmana, destaca nella’l Día de les Lletres, que ye’l momentu cimeru de la selmana nel que la presidencia de l’Academia de la Llingua Asturiana da’l so discursu nun actu solemne zarráu pol Himnu d’Asturies nel qu’evalúa la situación xeneral de la llingua y la lliteratura y procédese al nomamientu de los nuevos académicos o académiques. Tamién ye esti día l’escoyíu polos comerciantes llibreros pa facer un 10% de descuentu nos sos llibros, celebrándose n’Uviéu la Feria del Llibru que va dende’l Día del Llibru (23 d’abril) al Día de les Lletres (tamién llamáu Día del Llibru y del Discu n’asturianu). Asinamesmo, la Xunta pola Defensa de la Llingua Asturiana suel entamar una manifestación pola oficialidá del asturianu coincidiendo col Día de les Lletres.



Selmana de les Lletres Asturianes

23 03 2011

 La Selmana de les Lletres Asturianes vien celebrándose dende 1980 na primer selmana del mes de mayu. La Selmana de les Lletres carauterízase por ser una fecha señalada pa munches instituciones y estayes estremaes. Amás de los munchos recitales de poesía y actos culturales que se celebren per toa Asturies nesta selmana, destaca nella’l Día de les Lletres, que ye’l momentu cimeru de la selmana nel que la presidencia de l’Academia de la Llingua Asturiana da’l so discursu nun actu solemne zarráu pol Himnu d’Asturies nel qu’evalúa la situación xeneral de la llingua y la lliteratura y procédese al nomamientu de los nuevos académicos o académiques.

AUTORES HOMENAXEAOS imagesca9j805g.jpgDURANTE ESTOS AÑOS

http://es.scribd.com/SELMANA-DE-LES-LLETRES-ASTURIANES-TRABAYU-ESCOLAR/d/15060807



Obra de Mánfer de la Llera

23 03 2011
  • monologos.jpg127_40667.jpg
  • Creación Andrés Fernandéz, Manuel d’Cielo bajo tierra : (Prosa y versos de la mina) / Manuel d’Andrés Fernández. — Xixón : l’autor, 1982. — 184 p. : il. ; 21 cm.ISBN/ 84–300–6773–6 Andrés Fernandéz, Manuel d’Garapiellu lliterariu asturianu: (cuentos y poemes) / Manuel d’Andrés Fernandéz (Mánfer de la Llera). — [S.l. : s.n.], 1983 (Xixón : Gráf. Posada). — 184 p. ; il. ; 21 cm.ISBN 84-300-8953-5 Andrés Fernández, Manuel d’Cabalgando sol tiempu / Mánfer de la Llera. — Uviéu : Academia de la Llingua Asturiana, 1990. — 71 p.  20 cm. — (Llibrería académica ; 17).ISBN 84-86936-35-7 Andrés Fernández, Manuel d’Coses vivíes / Manuel d’Andrés Fernández. — Xixón : Alborá, 1998. — 201 p. ; 22 cmISBN 84-87562-17-5  Ensayu Andrés, Ramón d’Vocabulariu asturianu de la mina / Ramón d’Andrés Díaz, Manuel d’Andrés Fernández. — Xixón : Alborá Llibros, 1997. — 154 p. : il. ; 21 cm. — (Llibros del país ; 2)DL AS 2337-1997. — ISBN 84-87562-15-9  Bibliografía Carmen Díaz Castañón, Lengua y Literatura, Xixón, Júcar, 1981, p. 274. Antón García, El cuentu asturianu tres la guerra, Uviéu, Trabe, 1998, p. 120. Xuan Xosé Sánchez Vicente, Crónica del Surdimientu, Uviéu, Barnabooth, 1991, pp. 56–57-


WEB QUEST SELMANA LLETRES ASTURIANES

16 03 2011

web quest pa trabayar



Biografía Mánfer de la Llera

16 03 2011

images.jpgManuel d’Andrés Fernández más conocíu pol pseudónimu lliterariu Mánfer de la Llera, nació en Cuéstes-yos, Ciañu, Llangréu, en 1918 y muerre en Xixón en 2005. Ye autor de cuatro libro onde combina la prosa col versu: Cuentos en versu asturianu (1953), Cielu so tierra (1982), Garrapiellu lliterariu asturianu (1983), y Acaballando sol tiempu (1990).

Empieza a dase a conocer como escritor de monólogos humorísticos y poesía costumbrista, a la manera del tipu de lliteratura que se estilaba nos años de la postguerra, cuando Manfer de la Llera publica los sos primeros versos. Más tarde se interésara pola tema de la mina, sobre’l que traten la mayoría de los sos llibros; nellos entemez la denuncia social, la reivindicación de la llingua asturiana y la quexa esistencialista en formes poemátiques que comunmente averar a la prosa. Bona parte de los sos escritos se publicáron en prensa periódica asturiana y llibretos de fiestes de la so Llangréu natal.

Foi miembru de l’Academia de la Llingua Asturiana y padre de dos autores n’asturianu: Vital d’Andrés y Ramón d’Andrés. Con ésti últimu escribió Manfer de la Llera un “Vocabulariu asturianu de la mina”, publicáu por “Alborá” en 1997. En 1998 apaez na antoloxía El cuentu asturianu trés la guerra d’Antón García al pie de los más destacaos narradores asturianos de posguerra y publica “Cueses vivíes”, unes memories onde recueye vivencies de los duros tiempos d’antes y dempués de la guerra.