CRA CABU PEÑES

21 Junio 2007

Entrega de premios del Concursu de Mascotines

Publicado en ASTURIANU por xosecp a las 0:02 h.

Ayeri, 20 de xunu, trés neñes del nuestru CRA, Paula Núñez (Viodo), Mercedes González (Santiao d’Ambiedes) y Azahara Amador (Llaviana), recibieron la so merecida recompensa por llegar al últimu nivel del Concursu de Mascotines del Conceyu d’Avilés. Coincidiendo cola final de les IV Xuntes d’Escolinos, asistimos a una representación de la compañía de teatru Tragaluz, precedida de la entrega de premios. Mercedes foi una de les dos úniques finalistes y Paula foi la GANADORA del concursu cola mascotina El Lletreru.

Si queréis ver dalgunes fotos del actu nel Palaciu de Valdecarzana y, sobre manera, los dibuxos galardonaos, primíi equí embaxo:

http://picasaweb.google.es/nelcomba/Mascotines

Agora, mirái qué entrevista más prestosa-y fixo la so compañera de la Escuela de Viodo:

ENTREVISTA A PAULA NÚÑEZ GONZÁLEZ,

GANADORA DEL CONCURSU DE MASCOTES.

Peñes. Laura Gutiérrez.

-¿Por qué se t’ocurrió esi nome pal dibuxu?

-Como nel abecedariu apaecen les lletres, por eso púnxi-y el nome d’El Lletreru.

-Punxéronte dalgún nomatu por ser la ganadora.

-Que yo sepa, non.

-¿Qué sentisti de la que te dixeron que ganares el primer premiu?

-Muncha allegría y felicidá.

-¿Cuándo sentisti más emoción, cuando te dixeron que yeres finalista o que yeres la ganadora?

-Sentí lo mesmo nes dos ocasiones.

-Cuando fuisti al Palaciu de Valdecarzana, n’Avilés, y visti’l dibuxu, ¿qué sentisti?

-Sentí muncha allegría porque como lo fici pequeñu, plasmé al velu grandón.

-¿Por qué te dio por esi dibuxu?

-Como podía ser un dibuxu d’un llibru, aproveché’l cuentu del alfabetu de Hans Cristian Andersen.

16 Mayo 2007

El grupu etnográficu Escontra’l Raigañu en Mazaneda

Publicado en ASTURIANU por xosecp a las 21:09 h.

El miércoles 16 de mayu tuvimos la suerte d’asistir a una actividá didáctica de difusión de la canción asturiana. Cuatro miembros del afamáu grupu etnográficu Escontra’l Raigañu, d’Avilés, ufiertáronnos na Escuela de Mazaneda a los escolinos y maestros asistentes una prestosísima actividá onde se cantó, bailló y faló de la música tradicional asturiana, de los sos instrumentos y de los sos cantares. L’escolináu pudo vivir unos momentos intensos d’averamientu a la nuestra rica tradición musical. La única pega foi nun poder disfrutar d’ella tolos miembros de la comunidá educativa del CRA Cabu Peñes. Pa otra.

Si queréis ver les fotos primíi equí:

http://picasaweb.google.es/nelcomba/EscontraLRaigaUEnMazaneda

 

Si vos apetez ver y oyer una de les piecines qu’interpretaron, esta con dellos escolinos y ún de los profes (José Antonio), calcái equí: