Tamos na seronda, cayen les fueyes, lleguen les castañes, páñense les manzanes…
Ye tiempu d’amagüestos, y nel nuestru colexu, como tolos años, tuvimos la folixa el vienres 11 del 11.
Los escolinos de sestu, entamaron los primeros poniendo un mercáu de comides y postres caseros.
La Asociación de Padres montó el llagar cola sidra dulce.
Dellos profesores atendieron el bombu qu’amagostó castañes tola mañana.
Por fin dempués del recréu, entamó la fiesta cola llectura del pregón que ficieron tres collacios de sestu. A continuación hubo munchos cantares y un baille de la danza prima a cargu de los escolinos del colexu.
Pa finar la xarana, axuntáronse los pas colos escolinos y los maestros pa baillar la Danza Prima.
Fue un amagüestu perguapu.
Este artículo ha sido visitado 181 veces