Al entamar el mes de mayu,celébrase la “XXXIII Selmana de les Lletres Asturianes”, qu’esti añu va dedicase a los poetes Antón Balvidares y a Benito de l’Auxa que formen parte de la Ilustración Asturiana xunto con otros coetáneos más afamaos como son Gaspar Melchor de Xovellanos, la so hermana Xosefa y el Matemáticu Pedrayes. Toos a pensadores enfotaos en facer propuestes pa meyorar la vida na sociedá del sieglu XVIII.
La Conseyería d’Educación y Universidaes del Principáu d’Asturies presentanos un Blog onde publica delles xeres pa neños rellacionaes cola “ILUSTRACIÓN ASTURIANA” qu’atopareis nesti enllaz:
Dientro del Programa d’Actividaes Axenda Didáctica Escolar pa esti cursu, vamos a tener nel nuestru colexu’l 1 de Xunu l’actuación del grupu TRIQUITRAQUE d’Esteban González col so espectáculu musical. Van cantanos delles canciones del discu “Xugando al carrasquiyu” y na clas de Llingua yá tamos escuchándoles.
Esti añu nel concursu de poesía Antonio Machado en Llingua Asturiana había munchos poemes pa escoyer y toes bien guapos, pero ganadores solo pueden ser unos pocoñinos. Asina que norabona a tolos neños qu’algamaron un premiu y especialmente a los del nuestru colexu:
El nuesu colexu tien el nome d’un afamáu poeta, poro tolos escolinos escriben poesíes bien prestoses. Agora ye’l momentu que na clas de Llingua Asturiana entamamos a engarranos con rimes y pariaos al mesmu tiempu que dicimos aquellos de: “Y con muncha allegría, facemos la poesía”.
¡Munchu ésitu a toos! y pa convocar a les muses déxovos esta poesía:
El llunes 7 y el martes 8 de payares los neños de quintu pasaron la mañana na zona rural.
Primero fuimos a la “Ganadería Argomota” asitiada en Santurio, onde la dueña, Rosa nos dio milenta esplicaciones sobre les sos vaques y el trabayu nel campu. El martes tuvimos abondo suerte y vimos nacer una xatina cola ayuda del veterinariu que nos contestó a les nuestres entrugues.
Dempués fuimos a la Cooperativa onde Sabel, la nuestra guía, nos enseñó munches coses tradicionales y modernes rellacionaes cola vida na casería: plantes, calzáu, ferramientes y oxetos diversos.
La salida “Un día na zona rural” tuvo bien guapa y equí dexamos delles semeyes pal recuerdu.
5ºB 5ºA
Esta salida completábase con un taller que ficimos nel aula’l miércoles 9 de payares. Esti taller nomábase “Güelgues y restos d’animales” y nél la monitora Ánxeles deprendiónos a facer güelgues d’animales con barru y yesu, anque delles nun salieron nada bien. Tamién desplicó delles coses al rodiu de los animales y nos enseñó egragópiles de curuxa.
Equí dexamos constancia de la nuestra participación nel taller.
Ente los díes 17 y 28 d’ochobre tuvimos nel colexu la esposición del llibru “Mansín” de Carla Menéndez Fernández autora del testu y los dibuxos. Los diez cuadros del cuentu veníen acompañaos de tres figures grandes de cartón pluma. Ficiéronse delles xeres al rodiu d’esta historia al mesmu tiempu que sirvieron d’alcordanza d’aquel gallu montés que fai tres años baxó del monte al pueblu de Tarna.
Otru cursu más que fina, yá tenemos ehí les vacaciones y casi nun nos queda más que la despidida.
Esti añu siguimos trabayando na mesma llinia qu’en cursos pasaos, y les coses más prestoses que díbemos faciendo quedaron reflexaes nesti blog d’asturianu.
De toles xeres merez la pena nomar el conciertu de Xentiquina, que tanto nos prestó a toos y que foi uno de los caberos del grupu pola xubilación del so direutor, Nacho Fonseca. Gracies a ellos, ¡muncho cantemos esti cursu les canciones del conciertu!.
Agora llega’l momentu de que marchen los neños de sestu camín del institutu, anque siempre nos quedamos un poco murnios, ye una allegría velos colar tan mozos. ¡Bona suerte y hasta cuando quedáis venir a venos!
El día 6 de mayu pela mañana nel IES “Cuenca del Nalón” de La Felguera-Llangréu, nel transcursu del Actu Institucional Escolar de “La Selmana de les Lletres Asturianes”, presidíu pol Señor Conseyeru d’Educación y Ciencia, l’escolín del nuestru colexu Joaquín Martínez Albes recoyó’l 3er Premiu de poesía del 2u Ciclu d’Educación Primaria.
Tamién el vienres 6 pela tarde, entregáronse nel Centru Integráu Xixón Sur, los XXX “Premios de Poesía Antonio Machado” nun actu que contó cola presencia de l’alcaldesa de Xixón y cola asistencia como invitáu d’honor del escritor Luis García Montero.
En Llingua Asturiana casi tolos neños premiaos yeren del nuestru colexu.
¡NORABONA A LOS PREMIAOS Y ÁNIMU A TOLOS PARTICIPANTES PAL PRÓXIMU AÑU!
