¡PRESTOSES FIESTES NAVIDIEGUES!

10 12 2016

¡Prestoses fiestes navidiegues y gayoleru añu nuevu pa tolos escolinos y escolines de Llingua Asturiana!

¡ Qué los  Reis Magos y  L’Anguleru pasen bien cargadinos!



DÍES FOLIXEROS

20 11 2016

Estes dos últimes selmanes tuvieron enllenes de xeres bien prestoses pa los neños del nuestru colexu.

Los díes 7 y 8, los neños de sestu de Llingua Asturiana pasáronlo perbién, al mesmu tiempu que deprendieron una montonera coses al rodiu de Xixón, col xuegu de “Xixónpolis”.

Esta película necesita Flash Player 7

Esta película necesita Flash Player 7

Los díes 16 y 17,a los neños de segundu tamién-yos prestó abondo l’ actividá de “Danciando tol añu” onde baillaron siete dances mui prestoses.

Tamién esta foi la selmana del Amagüestu que se celebró’l vienres 18 con castañes, sidra dulce, xuegos tradicionales, concursu d’escanciáu , baille de la danza prima y que finamos col nuestru himnu “Asturies, Patria querida”. 

img-20161120-wa0004.jpg             img-20161120-wa0003.jpg             img-20161118-wa0005.jpg



LA GRANXA DE NEL

16 10 2016

Equí dexo esti cantar que tanto-yos presta a los escolinos de segundu:



ENTAMAMOS CURSU NUEVU

11 09 2016

Yá pasó otru branu y entamamos un nuevu cursu, asina que ¡bienveníos  a la clas de Llingua Asturiana a tolos neños y neñes!.

 Un saludu mui especial pa los de primeru que lleguen nuevos y pa los de sestu qu’empiecen l’últimu cursu.

         ¡Bon cursu 2016 - 2017 pa toos!



¡PRESTOSES VACACIONES Y BON BRANU!

19 06 2016

Dempués de tou un cursu trabayando, yá tenemos equí les vacaciones del branu.

Nesti cursu que fina, como siempre, nosotros siguimos lluchando por deprender un pocoñín más de la nuestra Llingua Asturiana y reflexando nesti blog les xeres más prestoses que facemos.

Agora toca despidise  hasta setiembre de tolos neños y neñes:

A los de primeru a quintu, que con tantes ganes trabayaron y que van tornar en setiembre gayoleros dempués d’unes bones vacaciones.

Y especialmente a tolos de sestu que yá marchen camín del institutu,  que-yos vaya perbién y seyan mui felices nesta nueva etapa de la so vida.

         Recordatoriu de llibros pal cursu 2016 – 2017:

   ——–

   Pitín 2

   Siguimos col llibru del cursu pasáu (Pitín 2)

   Esguil 4

  Tolina 5

  Siguimos col llibru del cursu pasáu  (Tolina 5)



LOS MEYORES LLECTORES Y LLIBROS

4 06 2016

Na clas de Llingua tenemos una biblioteca d’asturianu bien prestosa coles últimes novedaes,

A lo llargo del cursu, tolos neños de terceru a sestu lleven selmanalmente llibros pa lleer na so casa. Al final de cursu facemos la llista de los más llectores por niveles y dase-y un diploma al más llector de cada clas. Los d’esti cursu pueden vese nestes semeyes:

Tamién se fai una votación ente tolos llibros lleíos y se fai una esposición colos más prestosos. Esti cursu, como’l pasáu, el llibru favoritu foi “Pasiando per Xixón”, en segundu llugar, tamién repite puestu “Culos” y el terceru  foi “Mio ma ye un dragón coloráu”. Nes semeyes pueden vese’l restu de los llibros que más-yos prestaron a los escolinos esti cursu:



XXXV PREMIU POESÍA ANTONIO MACHADO

21 05 2016

El vienres 20 de Mayu celebróse la XXXV edición del Premiu de Poesía Antonio Machado. Foi un actu perprestosu nel qu’hai que felicitar a tolos  miembros de la comunidá educativa que lu  ficieron posible y especialmente a los neños de sestu polo muncho que trabayaron y lo bien qu’actuaron.

Pa los neños premiaos y les sos families ¡NORABONA!

Pa los neños de sestu ¡FELICIDAES Y UN APLAUSU PERGRANDE!



DE CONCIERTU CON POP PIQUIÑÍN

17 05 2016

Dientro del  Programa d’Actividaes  Axenda Didáctica Escolar, el llunes 16 de mayu tolos escolinos de Primaria asistieron nel Centru Integráu Xixón Sur al conciertu de Pop Piquiñín.

Pasámoslo en grande cantando y baillando les sos canciones más conocíes, teniendo que repetir el gran ésitu “Folixa sesuda”.

Anque actuaron una hora y cantaron munchos temes, fízosenos curtiu’l conciertu, polo muncho que nos prestó.



XIXÓN UNA CIUDÁ ABIERTA A LA MAR

10 05 2016

El martes 10 de Mayu los neños de 4º B  y el xueves 19 de Mayu los neños de 4º A, participaron na actividá “Xixón una ciudá abierta a la mar”qu’ufierta la Oficina de Normalización LLingüística de Xixón..

La salida entamó onde les lletres de Xixón y recorrióse dellos llugares perinteresantes: El Muelle, la fonte de Pelayo, el Pozu la Barquera, La Rula, el Fuerte Vieyu o Casa Les Pieces, Cimavilla, la Casa’l Chinu, la Casa Nava, la Casa Natal de Xovellanos (onde vimos “El retablu del mar”), la Fábrica de Tabacos, la Muria Romana, la Torre del Reló, La Cantábrica na playa de San Llorienzo…

Fueron unes mañanes bien entreteníes y nes que deprendimos una montonera coses de Xixón en rellación cola mar.

      

          4º B                                       4º A



XELAOS DE CUENTU

16 04 2016

El martes 12 d’Abril, los neños de primeru y segundu fueron a CMI  Pumarín de Xixón Sur onde se celebraba la III Feria del Llibru Infantil y Xuvenil.

Tuvieron viendo “Xelaos de cuentu” con Ana Morán y prestó-yos abondo. Primero contó-yos la historia d’un pirata, dempués d’una princesa y p’acabar la d’un árbol llamáu Risines. Pa finar l’actuación tolos neños cantaron xuntos y dalgunos dende l’escenariu.