Sámara

Revista digital del C.P. Baudilio Arce
Articulos de 5 Mayo 2008

XXIX SELMANA DE LES LLETRES ASTURIANES

Nel añu 1980, el preautonómicu Conseyu Rexonal de la Diputación Provincial d’Asturies entama, al traviés de la so Comisión Cultural, el primer Día de les Lletres Asturianes na primer selmana del mes de mayu. La creación de la Academia de la Llingua Asturiana, nel mes d’avientu d’esi mesmu añu, va dar puxu a la conmemoración que, darréu y hasta la data presente, tolos años se fai.                                                                                                                      

m-teresa.JPG

Esti añu cellebrase la XXIX edición  n´ homenaxe a la escritora Mª Teresa González Fernández,  nacida en Xixón nel añu 1950. Fue una de les fundadores del nucleu xixonés de Conceyu Bable. Dedicóse principalmente a escribir poesía, (nel llibru “Poesía completa” recueye, los sos principales poemes), aunque tamién escribió cuentos “La casa y otros cuentos”.

Dende’l colexu Públicu Baudiliu Arce tamién cellebramos les Lletres Asturianes. Los escolinos de 2º y 3º ciclu ficimos poesíes sobre la so vida. Esta ye la fecha por  Hector Ordóñez y Hugo Fernández.

La poetisa Mª Teresa

Mª Teresa González nació en Tremañes, Xixón

Y criose a base de biberón.

Con 37 años empezó a estudiar

pa sacar la formación profesional.

Escribía poesies

con estilu peculiar

espresabase nelles

con voz fuerte y coloquial

Pero´l so destinu

tuvo un desenllaz fatal

pues de bien xoven morrió

d úna llarga enfermedá

Esti mes recomendámosvos que lleais dellos cuentos en formatu dixital y que tamién tienen xuegos y actividaes:”La Bruxa de fresa” de Gloria Fort Mir, pa’l 1º Ciclu, “Grandelina” de Lucía Fernández Marqués pa´l 2º ciclu y “Un vampiro de sangre azul” de Mª Teresa González, pa´l 3º ciclu. Pa´ncontralos tenéis que facer clic nel enlace: Cuentos

No hay comentarios