La faltriquera

El mio gatu llámase Opa, pero llamámoslu Opaito cariñosamente. Ye blancu y tien na punta del rabu rayuques de color roxo y pela cara tamién ye un poco roxu. Tien los güeyos de color azul claro. En febreru fizo los 3 años. Tien un collar azul claro con un cascabel y unos dibuxinos de gatos. Ye mui xuguetón, pero cuando s’enfada y cansa de xugar muérdete. Ye un dormilón y cuando fai fríu túmbase nel sillón a la bartola a dormir tol día. Gústa-y muncho comer madalenes. Cuando fai sol túmbase delantre casa a dormir al calor. Opaito ye mui buen cazador de mures. Nun-y gusta qu’otros gatos tean cerca de la mio casa y siempre s’engarra con ellos.   

Gracia 1º D

La mio gata llámase Pi. Ye una gata siamesa, guapísima, tien los güeyos azules, nun ye mui grande y ye mui mimosa, anque munches veces enfádase muncho cuando nun la dexes tranquila. Ye mui bona cazadora porque casi siempre ta cazando mures. Tamién ye mui xuguetona. Y nun pue ver a los perros, si entra dalgunu pa la mio finca y nun tamos atentos, péga-yos y sal detrás d’ellos.

Claudia 1º D

Ingredientes:

arroz

lleche 

azucre

un palín de canela

un plizcu de sal 

corteya de llimón 

¿Cómo se fai?

Nuna pota échase l’arroz, la canela y el llimón y un plizcu de sal.  Échase agua frío hasta que pase un deu pencima del arroz, fiérvese durante 5 minutinos, retírase del fueu y llueu échase-y la lleche, l’azucre y revuélvese ensin parar hasta que tea cremoso (aprosimadamente sobre 2 hores). Por último, échase nuna fuente y yá ta.

Aida 2º C 

img_0105.JPG

Les nubes lloraben

pol fríu que daba la nieve.

La mañana yá taba rota

nel ríu desbordáu.

Llárimes de dolor enceses

que van al ríu.

Les llárimes siguíen 

como agua caliente.

              Segis 1º D 

Naquella mañana fría

nevaba nel mio corazón.

Mientres el sol lloraba

yo queríate.

El mar ta lloñe

de min,

pero tovía más el sol.

Suaño con besar

esos llabios azules

y vete nel fríu mar tresparente.

Préstame suañar

naquellos besos

que me dabes. 

              Jesús 1º D 

Mientres l’orbayu

esperaba prestosu al mar,

el mio corazón

lloraba mañana y nueche.

Lloñe, el mar lloraba

pol sol,

el branu llegó,

el fríu coló pa siempre

y el mio amor

entamó a xorrecer.

Cuando te veo

la mio voz afuégase,

la nieve fría güei

marcha col sol del branu.

                          Gracia 1º D 

El mio corazón

ye mui fráxil

y güei acabes de rompelu.

Siento como si tuvieren afogándome

nun mar infinitu y mui fríu.

Y yo quiérote 

como’l sol al branu

o la nieve al iviernu,

y cuando m’acerco a ti

llorando a abrazate

la to voz mui suave

dame la espalda. 

              Gonzalo 1º D 

Una rosa lloraba

porque’l sol nun salía.

Les ñubes negres

acercábense.

Llovía.

Ente les ñubes

veíase un rayu de sol

que quería asomar

pero nun podía.

Dempués pasaron les ñubes

y el sol, tou contentu,

dio-y lluz a la rosa.

                    Rubén 1º D 

Cuando me das un besu

el mio corazón ponse a llorar,

cuando tamos xuntos

l’odiu afuégase,

cuando tas lloñe

el mio corazón

dexa de palpitar.

Pregúntome ónde tará

la to alma

y si me dexes

el to corazón,

yo déxote’l míu.

                 Marcos 1º D 

La to voz

pue facer nel cielu

un orbayu frío y fráxil

cuando esperes

un besu del cielu y el sol,

pero’l mio corazón

espera pol to amor.

Mientres tes vivu

nun voi cansar d’esperar

porque’l mio amor

ye más grande que’l mar.

Yo esperaré 

l’abrazu del to corazón.

                      Claudia 1º D