DÍA DE LES LLETRES ASTURIANES
29 Abril 2010Publicado por Llarándana en: AUDIO, CANCIÓN-POEMA, COMPRENSIÓN ESCRITA, ESCRITORES, LLECTURES, MÚSICA, POESÍA, TALLER DE LLECTURA, XENERAL
enviar comentario
PINCHA NA FOTO PA VER MÁS GRANDE…
VER DÍA LES LLETRES NEL IES FLEMING
PROGRAMA OFICIAL: DÍA DE LES LLETRES ASTURIANES
XXXI Selmana de les Lletres Asturianes
22 Abril 2010Publicado por Llarándana en: ESCRITORES, XENERAL
enviar comentario
La XXXI Selmana de les Lletres Asturianes va tar dedicada al escritor mierense Xosé Antonio García (1961-1998), creador representativu del Surdimientu y qu’ocupa un sitiu preferente na lliteratura asturiana de la segunda metada del sieglu XX.
ESCRITORES QUE TUVIERON YÁ’L SO HOMENAX NESTOS 3O AÑOS
“QUISO DE VIXIGA”
15 Marzo 2010Publicado por Llarándana en: COMPRENSIÓN ESCRITA, ESCRITORES, ESPRESIÓN ESCRITA, PRESCRIPCIÓN, TALLER D'ESCRITURA
enviar comentario
Mecer nuna pota 100 gramos de quesu azul que pique un poco, una bola de furmientu , un vasu coñá, una taza de lleche, 1/2 vasu de culiestru de la 2ª sazón. Desfacelo too bien, echa-y la coñá y metelo nes vexigues. (Estes yeren de gochu, seques y inflaes con una paya, tapaes con corchos y cuerda alredor) Poneles a secar. Colgalo nel arrú polo menos trés meses, al aire o al fumu, nuna cocina lleña. Cada ocho díes había que dir recebando la vexiga con lleche y nata porque según cura’l quesu, mengua. Hai que tener procuru coles mosques porque puen picalo y criar cocu.
RADIO SELE
15 Marzo 2010Publicado por Llarándana en: COMPRENSIÓN ESCRITA, CUENTU, ESCRITORES, ESPRESIÓN ESCRITA, LLECTURES, TALLER D'ESCRITURA
enviar comentario
Pela mañana llevántome mui ceo, entá ye de nueche. Garro l’autobús, la llinia 2 que me dexa a la puerta la Radio. Llego con tiempu asgaya, echo un pitu a la serena, y entro al llocal. Pongo la bata, écho-y agua al calderu, aclaro la fregona, reviso los productos (por si fai falta mercar daqué) y entamo la tarea. Primero “la barredera”, depués vaciar los ceniceros llenos de povisa, paso la fregona y a lo último, llimpio los micros. A les 7 menos cinco quito la bata, pongo los lentes , ordeno los faxes y les noticies del día. En puntu entro n’antena, l’informativu nun perdona. “Bonos díes. ¡Atiendi, Asturies Atiendi!”.
EL VECÍN
15 Marzo 2010Publicado por Llarándana en: COMPRENSIÓN ESCRITA, DESCRIPICIÓN, ESCRITORES, ESPRESIÓN ESCRITA, LLECTURES, MICRORRELLATU, TALLER D'ESCRITURA
enviar comentario
Tenía un vecín de pelo ondulao y güeyos verdes, con llabios carnosos y una sorrisa qu’encandilaba. Nun yera mui altu, pero taba delgáu y de tipu finu. Siempre andaba gayoleru y paecía mui arrogante. Anque a vegaes se ponxera farrucu …y tuviera como una teya … Á ne, ¡cómo prestaba atopalu pela escalera!
VISÍTANOS VICENTE GARCÍA OLIVA
18 Febrero 2010Publicado por Llarándana en: COMPRENSIÓN ESCRITA, CUENTU, ESCRITORES, ESPRESIÓN ESCRITA, OPINIÓN, TALLER D'ESCRITURA, TALLER DE LLECTURA
Un comentario
BIOGRAFÍA
LLIBROS
PREMIOS LLITERARIOS
LLIBROS QUE LLEIMOS Y TRABAYAMOS EN CLAS
LLECTURA PA CASA: 
Y UNA HESTORIA EN CLAS.
PRUEBA DE COMPRENSIÓN LLECTORA 
PASAPALLABRA
GLAYÍOS
24 Enero 2010Publicado por Llarándana en: COMPRENSIÓN ESCRITA, ESCRITORES, ESPRESIÓN ESCRITA, LLECTURES, TALLER D'ESCRITURA, TALLER DE LLECTURA
enviar comentario
Clas d’asturianu (1 ESO) 9′10 h.
Nun acabé entrar en clas y un neñu revolotia. Pído-y que fale más sele, que nun se.y entiende, y de pasu, que se siente, que me dexe un minutu pa pasar llista y organizar la clas. Depués podrá entrugar lo que quiera.
El neñu bullindiegu nun fai nin casu y afirma “desafiante” sabiendo que me tien ganada de mano:
-Profe… que diz mio tíu que nosotros en Riosa, nun decimos “falar”, qu’eso son los gallegos, que nosotros decimos “glayar”.
Yo encantá cola entruga entro al trapu:
- Bono nun anda descamináu “falar” ye una forma occidental, pero “glayar” tampoco ye esauto, porque ye dar glayíos o lo que ye lo mesmo ye cantar, llorar o falar fuerte pa llamar l’atención.
Él mira con aire triunfador a los compañeros riosanos y morciniegos y con sorrisa maliciosa y trunfadora “glayando” espétame:
-¡Claro, eso, que nosotros en Riosa glayamos, a que sí S. ¿ves profe?
Pola cara que punxo supe qu’entá tenía otra preparada col envís de pillame nun renunciu. Y asina yera, tou gayoleru burbusóme a la oreya:
- Amás…diz mio tíu … que nosotros… falar… falamos al ganáu…
A mio, yá, escapóseme la risa y con socarronería ( tengo confesalo y con sorrisa triunfadora) respondí-y:
- Sí home sí, eso ye “afalar”, que ye animar al ganáu pa qu’ande, cola guiá, pero tamién ye a berríes, ye verdá. ¡h.a, h.a!
- ¡Ah! entós ye qu’igual nun oyí yo la “a-”, y entendí “falar”. Sentóse atristayáu y pensatible.
- Home- dixi-y p’animalu- igual en Riosa dicen “falar” como variante de “afalar” ¿eh? Pue ser. Por qué nun entrugues en pueblu estes Navidaes y dícesmelo en xineru ¡Val un positivu!.
Escampló-y la cara; entá tenía una oportunidá de ganame.
Por supuestu, tien un sobresaliente na 1ª Evaluación, por esta y otres munches, y tengo confesar que con dalguna pillóme. Pa otra vos cuento lo de María Cuchillo… ¡qué mieu!
GUARANÍ
24 Enero 2010Publicado por Llarándana en: COMPRENSIÓN ESCRITA, ESCRITORES, ESPRESIÓN ESCRITA, TALLER D'ESCRITURA, TALLER DE LLECTURA
enviar comentario
Un neñu paraguayu apúntase a la clas d’asturianu en 1 ESO. Ta encantáu, porque diz qu’en Paraguai tamién estudiaba una llingua propia “el guaraní” y sabe lo importante que ye estudiar les llingües maternes. De lo que nun sabe nada ye de les normes d’acentuación. La primera vegada que lo estudia ye n’asturianu. Cuésta-y pero va deprendiendo, seliquino. Un día lleguen dos compañeres esmorecíes contando qu’en clas de llingua castellana entrugaran si una pallabra s’acentuaba o non y que’l guaraní, llevantara la mano mui seguru, y espetara: - Sí, porque ye esdrúxula. Tola clase entamó a riíse y el neñu nun pescancia’l porqué. La profe de castellán desplicó, que eso yera n’asturianu, qu’en castellán dizse “esdrújula”. Él siguía ensin entender tobía por qué se rieron y a mio diome muncha vergoña desplicá-ylo. Acababa de conocer una de les nueses miseries:.. l’analfabetismu; pero, peor peor foi desplica-y por qué lu sacaren de la clas d’asturianu pa dir pa refuerzu d’inglés na segunda evaluación. Solo mos quedaba falar pelos pasiellos o nos recreos. Qué pena!
¿Qué pasaría si…?
3 Diciembre 2009Publicado por Llarándana en: ESCRITORES, LLECTURES, TALLER D'ESCRITURA
enviar comentario
Gianni Rodari ideó la téunica de creación lliteratia que llamó “hipótesis pantástica” …
PROPUESTES DE CREACIÓN (ESCRITA)
-
-
¿qué pasaría si quien te da clas vien con un trax de pita puestu?
-
¿qué pasaría si al espertar descubres que l’asturianu ye oficial?
-
¿qué pasaría si cuando entres na clas ves a tolos compañeros convertíos en xelu?
-
¿qué pasaría si te tragara la tierra?
-
¿qué pasaría si te despertaras al llau d’un dinosauriu rosa?
-
ESCRIBIMOS UN MICRORRELLATU
2 Diciembre 2009Publicado por Llarándana en: ESCRITORES, MICRORRELLATU, TALLER D'ESCRITURA
enviar comentario
-
Garramos una fueya de finales
-
Cortámosla en tantos cachos como finales hai.
-
Tirámoslos a la rebatina, y a cada ún/una tóca-y un final distintu.
-
Escoyemos un tipu de narrador del sobre 1 (ominsciente-protagonista)
-
Escoyemos un personax del sobre 2
-
Escoyemos un llugar y un espaciu del sobre 3-4
-
Con estos elementos yá podemos crear un cuentu de non más de 5 llinies.
-
Cuenta una hestoria, ordenada.
-
Lleémoslos en clas y opinamos sobre ellos.
-
Escoyemos ún y meyorámoslu coles pincelaes que tenemos del MICRORRELLATU.
-
Participamos nel Concursu de Microrrellatos del IES Fleming
-
Pasámoslos a word pa xubir al blog “Pingarates”
-
MEYOR QU’ESO FACEMOS UN
BOOCLIP PA XUBILU A YOUTUBE
