DELLES ESTRATEXES PA ESCRIBIR TESTOS CON INTENCIÓN LLITERARIA
12 Abril 2010Publicado por Llarándana en: COMPRENSIÓN ESCRITA, ESPRESIÓN ESCRITA, TALLER D'ESCRITURA
enviar comentario
-
NARRATIVOS
-
POÉTICOS
-
TEATRALES
“QUISO DE VIXIGA”
15 Marzo 2010Publicado por Llarándana en: COMPRENSIÓN ESCRITA, ESCRITORES, ESPRESIÓN ESCRITA, PRESCRIPCIÓN, TALLER D'ESCRITURA
enviar comentario
Mecer nuna pota 100 gramos de quesu azul que pique un poco, una bola de furmientu , un vasu coñá, una taza de lleche, 1/2 vasu de culiestru de la 2ª sazón. Desfacelo too bien, echa-y la coñá y metelo nes vexigues. (Estes yeren de gochu, seques y inflaes con una paya, tapaes con corchos y cuerda alredor) Poneles a secar. Colgalo nel arrú polo menos trés meses, al aire o al fumu, nuna cocina lleña. Cada ocho díes había que dir recebando la vexiga con lleche y nata porque según cura’l quesu, mengua. Hai que tener procuru coles mosques porque puen picalo y criar cocu.
LA BIBLIOTECA
15 Marzo 2010Publicado por Llarándana en: COMPRENSIÓN ESCRITA, DESCRIPICIÓN, ESPRESIÓN ESCRITA, LLECTURES, MICRORRELLATU, TALLER D'ESCRITURA
enviar comentario
Un mandilonín blancu col nome bordáu, dos coletes perllargues y un maletucu cargáu de nervios. Esa yera yo. Si respiro fondo, entá güelo la madera’l pupitre, la goma de nata y el pelo d’Ana (la mio amiga del alma). Si zarro los güeyos, entá veo’l brillu de los llibros y el furacu pal tinteru. Si me concentro, entá siento nes manos la suavidá de les fueyes. Si recuerdo’l momentu trescendental cuando la Seño Isolina me dexó escoyer un llibru del almarín máxicu, emociónome. Acababa de descubrir el significáu de la pallabra Biblioteca.
RADIO SELE
15 Marzo 2010Publicado por Llarándana en: COMPRENSIÓN ESCRITA, CUENTU, ESCRITORES, ESPRESIÓN ESCRITA, LLECTURES, TALLER D'ESCRITURA
enviar comentario
Pela mañana llevántome mui ceo, entá ye de nueche. Garro l’autobús, la llinia 2 que me dexa a la puerta la Radio. Llego con tiempu asgaya, echo un pitu a la serena, y entro al llocal. Pongo la bata, écho-y agua al calderu, aclaro la fregona, reviso los productos (por si fai falta mercar daqué) y entamo la tarea. Primero “la barredera”, depués vaciar los ceniceros llenos de povisa, paso la fregona y a lo último, llimpio los micros. A les 7 menos cinco quito la bata, pongo los lentes , ordeno los faxes y les noticies del día. En puntu entro n’antena, l’informativu nun perdona. “Bonos díes. ¡Atiendi, Asturies Atiendi!”.
EL VECÍN
15 Marzo 2010Publicado por Llarándana en: COMPRENSIÓN ESCRITA, DESCRIPICIÓN, ESCRITORES, ESPRESIÓN ESCRITA, LLECTURES, MICRORRELLATU, TALLER D'ESCRITURA
enviar comentario
Tenía un vecín de pelo ondulao y güeyos verdes, con llabios carnosos y una sorrisa qu’encandilaba. Nun yera mui altu, pero taba delgáu y de tipu finu. Siempre andaba gayoleru y paecía mui arrogante. Anque a vegaes se ponxera farrucu …y tuviera como una teya … Á ne, ¡cómo prestaba atopalu pela escalera!
XERES DE CREACIÓN LLITERARIA
15 Marzo 2010Publicado por Llarándana en: ESPRESIÓN ESCRITA, MICRORRELLATU, POESÍA, TALLER D'ESCRITURA, XENERAL
enviar comentario
NARRACIÓN
(GANADOR DEL PRIMER PREMIU AL DISEÑU DEL CERTAME DE NAVIDÁ)
ARREPENTIMIENTU-
CUENTOS: IV CONCURSU LLITERARIU IES DR. FLEMING
RECITAL DE POESÍA
XERES DE CREACIÓN POÉTICA
15 Marzo 2010Publicado por Llarándana en: COMPRENSIÓN ESCRITA, COMPRENSIÓN ORAL, ESPRESIÓN ESCRITA, ESPRESIÓN ORAL, LLECTURES, POESÍA, TALLER D'ESCRITURA, TALLER DE LLECTURA, ÁLBUNES ILUSTRAOS
enviar comentario
RECITAL POÉTICU AL RODIU DE ARROZ, AGUA Y MAÍZ
13 Marzo 2010Publicado por Llarándana en: ESPRESIÓN ESCRITA, ESPRESIÓN ORAL, LLECTURES, POESÍA, TALLER D'ESCRITURA, TALLER DE LLECTURA, TEATRU, VIDEU, XENERAL, ÁLBUNES ILUSTRAOS
enviar comentario
XERES D’EDUCACIÓN LLITERARIA VINCULAES AL LLIBRU DE POEMES DE BERTA PIÑÁN
VISÍTANOS VICENTE GARCÍA OLIVA
18 Febrero 2010Publicado por Llarándana en: COMPRENSIÓN ESCRITA, CUENTU, ESCRITORES, ESPRESIÓN ESCRITA, OPINIÓN, TALLER D'ESCRITURA, TALLER DE LLECTURA
Un comentario
BIOGRAFÍA
LLIBROS
PREMIOS LLITERARIOS
LLIBROS QUE LLEIMOS Y TRABAYAMOS EN CLAS
LLECTURA PA CASA: 
Y UNA HESTORIA EN CLAS.
PRUEBA DE COMPRENSIÓN LLECTORA 
PASAPALLABRA
GLAYÍOS
24 Enero 2010Publicado por Llarándana en: COMPRENSIÓN ESCRITA, ESCRITORES, ESPRESIÓN ESCRITA, LLECTURES, TALLER D'ESCRITURA, TALLER DE LLECTURA
enviar comentario
Clas d’asturianu (1 ESO) 9′10 h.
Nun acabé entrar en clas y un neñu revolotia. Pído-y que fale más sele, que nun se.y entiende, y de pasu, que se siente, que me dexe un minutu pa pasar llista y organizar la clas. Depués podrá entrugar lo que quiera.
El neñu bullindiegu nun fai nin casu y afirma “desafiante” sabiendo que me tien ganada de mano:
-Profe… que diz mio tíu que nosotros en Riosa, nun decimos “falar”, qu’eso son los gallegos, que nosotros decimos “glayar”.
Yo encantá cola entruga entro al trapu:
- Bono nun anda descamináu “falar” ye una forma occidental, pero “glayar” tampoco ye esauto, porque ye dar glayíos o lo que ye lo mesmo ye cantar, llorar o falar fuerte pa llamar l’atención.
Él mira con aire triunfador a los compañeros riosanos y morciniegos y con sorrisa maliciosa y trunfadora “glayando” espétame:
-¡Claro, eso, que nosotros en Riosa glayamos, a que sí S. ¿ves profe?
Pola cara que punxo supe qu’entá tenía otra preparada col envís de pillame nun renunciu. Y asina yera, tou gayoleru burbusóme a la oreya:
- Amás…diz mio tíu … que nosotros… falar… falamos al ganáu…
A mio, yá, escapóseme la risa y con socarronería ( tengo confesalo y con sorrisa triunfadora) respondí-y:
- Sí home sí, eso ye “afalar”, que ye animar al ganáu pa qu’ande, cola guiá, pero tamién ye a berríes, ye verdá. ¡h.a, h.a!
- ¡Ah! entós ye qu’igual nun oyí yo la “a-”, y entendí “falar”. Sentóse atristayáu y pensatible.
- Home- dixi-y p’animalu- igual en Riosa dicen “falar” como variante de “afalar” ¿eh? Pue ser. Por qué nun entrugues en pueblu estes Navidaes y dícesmelo en xineru ¡Val un positivu!.
Escampló-y la cara; entá tenía una oportunidá de ganame.
Por supuestu, tien un sobresaliente na 1ª Evaluación, por esta y otres munches, y tengo confesar que con dalguna pillóme. Pa otra vos cuento lo de María Cuchillo… ¡qué mieu!