Lorca, La Barraca y Asturies

h1

Lorca y el so tiempu

 

cuando La Barraca llega a Asturies taben produciéndose nel mundu grandes desendolques técnicos y Europa gozaba d’una riqueza cultural que yera tolo contrariu de lo que taba pasando n’España.

 España y por ello tamién Asturies, yeren estayes d’Europa especialmente atrasaes cultural (índiz d’analfabetismu pergrande) y económicamente dende facía munchu tiempu, la so economía sofitábase cuasi toda na producción agraria…España precisaba urxentemente de facer la so Reforma Agraria dende facía munchu tiempu ya…y por eso non-y foi ayena la grave crisis económica d’EEUU del 1929 (debída a un escesu de producción), qu’amás de contaxiar a otros países del entornu, fizo que millones de norteamericanos tuvieran qu’inmigrar dientro’l so país pasando fame y viviendo onde-yos dexaben polos campos y pueblos… . A este clima de crisis financiera internacional se-y suma’l problema de que n’Europa garra puxu’l fascismu y les sos idees autoritaries.

 

 mbw-depression.jpg

 

Cuando La Barraca llega p’Asturies taben faciéndo les bases pal Estatutu d’Autonomía d’Asturies, n’EEUU ganaba les elecciones F.D.Roosevelt, llatinoamérica siguía con problemes a esgaya de calter social y políticu (Bolivia, El Salvador…). N’Europa faltaben pocos meses pa la llegada del fascista Hitler al poder y con ello la fuga d’intelectuales (músicos, escritores, pintores, filósofos…) y la persecución d’etnies. Amás…Europa taba enllenándose d’obreros paraos. Na Unión Soviética, Stalin impón la so reforma agraria particular y el so propiu réximen represivu.

koljostractores31.jpg

 

Vamos…que’l mundu taba a puntu de dexar d’esistir tal como lu conocíen entós y enxamás volvería a ser igual ya que’n 1939 estallará la II Guerra Mundial, sumiendo a Europa nuna llaceria.

 

La Barraca tenía como oxetivu l’accesu al ricu patrimoniu cultural d’un país (España) que n’otros momentos de la Historia produxera grandes obres del teatru universal (Calderón de la Barca, Tirso de Molina, Cervantes..), y que Lorca consideraba que tenía qu’averarlos a la xente humilde y a les clases trabayadoras, a les que la II República trataba d’averar pal so desendolque social y individual.

 

garc_a_lorca_5.jpg

 

Anque nun hai qu’escaecer que Lorca pertenez a la Xeneración del 27 (Cernuda, Guillén, Alberti…) que surde cola cellebración del tricentenariu de la muerte de Góngora, autor español d’estilu barrocu, y por ello’l so interés poles lletres hispanes y la so bona salú.

 

Con tolo dicho hasta agora hai qu’añadir que un añu y mediu enantes de venir cola Barraca Lorca fizo una conferencia nel teatro Dindurra de Xixón convidáu pol Atenéu obreru de Xixón pa dar una charla, pero como hubo güelga xeneral de tres díes nun salió na prensa esos díes colo que muncha xente nun s’enteró del so pasu. Y ye que…convidáu pol Atenéu Obreru de Xixón fizo una conferencia sobre la cadarma del cante jondo y los sos ingredientes básicos:

I- irracionalidá

II- sabor a tierra

III- conciencia elevada de la muerte

IV- ciertu sentíu de lo diabólicu

Foi la primera vegada que se faló de “duende” (término, mui usáu nel flamencu).

 

 3929483423_eb597ef8e7_z3.jpg

 

Lorca y el folclor popular español

 

ya lo apuntábemos nos renglones anteriores…y ye que…Lorca amás d’escritor yera un estudiosu del folclor de los pueblos…a Lorca-y interesaba muncho la manera d’espresase de los pueblos, de les xentes…dende’l flamencu (cante jondo) andaluz hasta los cantares populares de cualquier rexón d’España, y eso incluyía a Asturies y la so tonada.

 

Federico García Lorca pertencía a la Residencia d’Estudiantes que taba’n Madrid…nella conocía a Eduardo Martínez Torner (musicólogu nacíu n’Uviéu nel 1888) y investigador de llírica popular d’Asturies) y gracies al so “Cancionero musical de la Música Popular Asturiana”, Lorca conoz la llírica dende otra perspeutiva (añaes=nanas y vaqueiradas). Lorca, conoció por ello’l folclor d’Asturies.

 

mtorner.jpg

E. M. Torner

 

Manuel de Falla (1876-1946) dicía que’l cante jondo andaluz usaba les mesmes claves musicales que les asturianes, cosa que Lorca sostién firmemente nesi momentu.

Nel so discursu na Residencia d’Estdiantes Lorca diz que les añaes de les alpujarres tienen un tonu gallegu y astur debío a les migraciones de la xente dientru’l mesmu país. Sicasí ve no andaluz dalgo mas tráxicu…sin medios tonos… . Non tol mundu taba d’alcuerdo con él… .

 

img-1503.jpg

Manuel de Falla

 

Veamos los llugares que visitó con La Barraca poniéndo interés especial pola so parada’n Grau.

 

 

La Barraca y el so pasu per Asturies

 

El montaxe teatral que trayíen los actores universitarios (y non profesionales) que la componíen venía dende Galicia y per Asturies paso per Grau, Avilés, Uviéu y Cangues d’Onís.

 

· Grau: equí conoz al cantante de tonada moscón llamáu Prudencio Merino Polenchu, un home que yera la personificación del cancioneru popular asturianu. Asina ye que, como tolos pueblos, tienen los sos poetes, cantantes…y demás artítes en xeneral, la villa de Grau tenía a “El Polenchu”, esti home cantó pa Lorca’l repertoriu del so cancioneru folclóricu popular, cosa qu’entusiasmaba muncho a Lorca y de pasu sirvió pa que los miembros de la compañía pasaran una nueche de fiesta na sidrería’l llugar. D’entós tenemos esti cantar de Grau:

 

“En Grado cantó el Polenchu

mas tarde Pepe Miranda

ahora en La Flor de Grado

no hay quien cante una tonada”

 

 polenchu.png

Estampa de “El Polenchu”. 1928

 

 

· Avilés: de reseñar queda’l que los periódicos de la época espublizaron que muncha xente subióse a les sielles de pie y los d’atrás non pudieran ver la obra colo que la obra desllucióse un poco.

 

· Uviéu: fízose nel Fontán a iniciativa del Atenéu d’Uviéu y la polémica vino ya que si yera pa la xente poco culta…dende’l periódicu La Voz de Asturias (4.IX.32) dicíen que-yos dexaríen les sielles a les clases obreres…y que por ello pensaben qu’Uviéu nun tenía muncha necesidá d’esta representación…por eso tamién rememoraben dende’l periódicu les Misiones Pedagóxiques que ya pasaran por Degaña y otres zones mal comunicaes d’Asturies pa llava-yos la música, la radio…el teatru…y ye que como ya se comentó enantes…la II República Española quiso facer que la xente saliera del so atrasu cultural… .

 

grupo-la-barraca-1933-federico-garcia-lorca-es-el-segundo-de-izquierda-a-derecha1.jpg

 

 

A los miembros de La Barraca, ya n’Uviéu, recibiéronlos na Universidá con gran interés y agasayu los alumnos y les autoridaes. Cuando l’actu oficial de la Universidá finó…colaron pal Parque San Francisco y cola presencia de Leopoldo Alas Argüelles (fíu de Clarín) ficieron un pequeño y sentíu homenaxe al autor de La Regenta, Clarín. (Según el periódicu Región, 6.IX.32)

 

5338418435_2400b702f0_z2.jpg

Estatua de Clarín nel Parque San Francisco d’Uviéu

 

Según la prensa escrita non hubo problemes coles sielles na representación nel Fontán. Al día siguiente visitaron los monumentos prerrománicos averaos a Uviéu, y de la que baxaben d’ellos y comiendo nel restaurante Los Monumentos, Eduardo Ugarte, collaborador de Lorca, díxo-y al periodista qu’el so teatru tenía una subvención estatal de 100.000 pesetes y por eso ye gratis la entrada a les sos funciones y tamién por ello ye una iniciativa universitaria.

 

 084d5dmgp2_1.jpg

Eduardo Ugarte y Lorca

 

Pa danos cuenta tamién del momentu históricu que se vivía naquel entós…dicir que pa la función de Lorca nel Fontán esi día n’Uviéu había programaes películes del actor Harold Lloyd qu’entamaben coles primeres películes del cine sonoru…una vegada más dicimos…el mundu taba camudando.

 

· Cangues d’Onís: nun hai munchu de los periódicos sobre La Barraca y Cangues d’Onís. Sí sabemos qu’esta llocalidá meyoró gracies a les aportaciones de dinero que-yos enviaben los asturianos emigraos a América y’l sofitu de la República española que tenía muncho interés nel desarrollu de los pueblos con males comunicaciones (carreteres…). Lorca foi a Cangues porque na Residencia d’Estudiantes tenía un collaciu de Cangues llamáu Antón Capitel (ésti tamién conociera a Buñuel, Dalí, Paulino Vicente…). Lorca aprovecha la so visita pa conocer Cuadonga.

 

 

Fonte: “Lorca y Asturias”. Boni Ortiz. Consejería de Educación y Cultura. 2002