cole barredos

colegio público Maximiliano Arboleya
Articulos de 16 Mayo 2011

ASTURMITOMANÍA: ” Vamos cuntar un cuentu”

El miércoles 11 de mayu los escolinos de Llingua Asturiana pudimos disfrutar d´una obra de teatru n´asturiano: ” Vamos cuntar un cuentu”, del grupu de teatru Asturmitomanía.

Esta obra forma parte de la programación de l´Axenda Didáctica Escolar pa escolinos de primaria de la Conseyeria d´Educación.

“Vamos  cuntar un cuentu”, ye la hestoria de Lucinda de la Mar, una rapaza que ye famosa poles sos hestories. Cuando Lucinda cunta un cuentu asoceden coses rares y como por arte maxa apaecen los personaxes.

Lucinda cúntamos la hestoria de Fonsín, un Trasgu enforma especial que ta enamoriscáu d´una Xana. Con ellos dos desencadénense una riestra aventures bien risonderes nes que tamién apaez la Guaxa y el Diañu  Burllón.

La obra tuvo perguapa, yera divertía y entretenía. Prestómos muncho, lo mesmo a los escolinos qu´a los mayestros. Pasámoslo perbien,  dimos les palmes, canciamos, reímonos y fasta pasamos un pucuñín de mieu y ye que la Guaxa …¡daba un poco respetu!

Y pa finar nosotros dímos-yos un aplausu pergrande, n´agradecimientu pol bon ratu que mos ficieron pasar.

(fotos)

16 comentarios