cole barredos

colegio público Maximiliano Arboleya

GÜEVOS PINTOS

La folixa de los Güevos Pintos celébrase en LLangréu, el llunes siguiente al domingu de pascua y en La Pola Sieru,  el martes. Pero namás la de La Pola Sieru ta declarada d´Interés turísticu Nacional dende 1968. Amás  dende  abril de 2004 tiénenla rexistrada na Oficina de Patentes y Marques del Ministeriu de Ciencia y Tecnoloxía.

Consiste na esposición, venta y regalu  de güevos pintaos con dibuxos y escenes tradicionales de colores vivos y llamativos, acompangaos de frases, refranes…

El cristianismo prohibía comer proteínes animales en cuaresma, lo que también incluyía los güevos. Como la cuaresma ye pela primavera, que ye cuando la produción de güevos aumenta, al nun poder comelos les families acumulaben munchos, entós pintábenlos y regalábenlos a los familiares y collacios. Yera costume que los afiaos los dieran a los sos padrinos p’ agradece-yos el bollu o pegarata.

La costume de los  güevos pintos nun  ye exclusiva d´Asturies, haila en munchos países d’ Europa (Rusia, Grecia, China, Alemania, Inglaterra…) y también en dalgunos

pueblos d´España.

L´Orixen de los güevos Pintos n´Asturies nun ta claru, pues nun tenemos documentos escritos del so orixen, ésta ye una tradición oral que se tresmitía de pas a fíos de xeneración en xeneración. Pero paez ser qu´esta costume allegó a Asturies allá pel sieglu XIX, cuando los trabayadores del dalgunos países d´Europa allegaron a Asturies pa trabayar nes mines. Y paez ser que los primeros yacimientos d´hulla que s´atoparon n´Asturies taben en Sieru  y  Llangréu. Y con estos trabayadores vinieron les sos costumes.

Los güevos antañu cocíense con hollín de lleña de roble o con castañes y asina quedába-yos la cáscara oscurecía. Por eso se-yos llamaba Güevos prietos. Dempués ya entamaron a pintase con productos químicos y fue cuando pasaron  a llamase Güevos pintos.

Anguañu los güevos píntense con plumilla, oleu, acuarela… y dalgunos son verdaderes obres d´arte.

Fotos de los Güevos Pintos

Estadísticas Este artículo ha sido visitado  691  veces

RSS 2.0 | Enviar un comentario | Enlazar

7 Comentarios para “GÜEVOS PINTOS

  1. Amable 10 Abril 2013 10:01

    Yo nun traxe los güevos pa facer l’ actividá, entós la mio maestra de llingua asturiana mandóme facer un dibuxu. A mi gustáronme munchu los gochos.

    UN SALUDU:)

  2. Erika 10 Abril 2013 10:01

    Prestóme facer el güevu porque ye una actividá que me gustó muncho.
    Yo fice una abeya que me gusto muncho cómo quedo.Gustaríame facer otru güevu, pero que sea d´ otru animal, por exemplo d´ una mariquita o dalgo asina.
    UN SALUDU<3(:

  3. Laura 10 Abril 2013 10:02

    Fue perfacil y divertío facer los güevos pintos.Otros cursos ficieron güevos de distitos animales, el nuestru cursu ficimos unes abeyes.Ficiéronse muchos animales:unos gochos,coneyos,perrín de dios y pites.

  4. David 10 Abril 2013 10:02

    Prestóme muncho facer el güevu pintu.Ficimos una abeya perguapa y percuriosa, lo que más me prestó fué pintar l’ abeya y pone-y les ales, fue perguapo too.Los que más me gustaron fueron los gochos, los ratones y les abeyes.

  5. Ana 10 Abril 2013 10:02

    A mi gustóme facer los güevos pintos, porque entretien muncho y ye perfacil de facer.Gustáronme ‘l perrîn de dios y los pitinos.

  6. Marta 10 Abril 2013 10:03

    Anque nun traxe ‘l güevu cocíu “preferí comelu”, prestóme velos como se faen.Prestárone munchu los gochinos y lo pitinos.

  7. Mireya 10 Abril 2013 10:04

    Prestóme múcho facer los güevos pintos , yo fice una abeya . No fue difícil pero caro son güevos y rompen facil . Lo que más megusto aparte de les abeyes fueron los ratones . ¿Ficimos un buen trabajo? Nun lo se pero prestóme múcho.

Envía un comentario


*
Para demostrar que eres un usuario (no un script de spam), introduce la palabra de seguridad mostrada en la imagen.
Anti-Spam Image