XIII XORNAES DE LA LLINGUA DE LA FASTERA OESTE
18 04 2008XII CONCURSU LLITERARIU “Mª Teresa González”
Como tolos años los neños del Colexu Santolaya participaron nel concursu en memoria a la escritora asturiana Mª Teresa González. Vamos ver dalgunos de los sos trabayos.
Tenemos perbonos dibuxantes y fízosenos bien difícil dixebrar qué cartelos vos podíen prestar más, asina que darreu podéis ver dalgunu d’ellos
Agora vamos ver el nome de los neños premiaos y los sos trabayos:
ACCÉSIT para Enma López Rodriguez, de 2º curso de Primaria, en CUENTOS ILLUSTRAOS
El vaqueru del oeste
Yérase una vegada un vaqueru mui trabayador qu’un día fue a buscar lleña a la viesca y resulta que s’alcontró con un amigu que facía tiempu que nun se víen. Y fueron a tomar una copa.
Vivíen nunes cabañes feches de madera. Pero’l so compañeru vivía nun castiellu que taba al llau de les cabañes, yera’l más ricu del oeste y los demás teníen-y envidia.
Un día cayó un bastiazu d’agua mui caliente que derritió’l castiellu, cuando pasó esa tromba d’agua; el castiellu nun taba porque yera de xelu.
Dende entós el que se ría cuando él tenía casa, dióse cuenta que nun yera bono rise de los demás porque depués los demás ríense d’él.
PRIMER PREMIU para Estefanía Sastre Lois de 6ºA, en TEATRU
Black, una lleenda histórica
Ábrese’l telón del escenariu: ye la fiesta de fin de cursu
Presentador- “Bonos díes y bienveníos a la fiesta de fin de cursu. Espero que los paséis perbién. Entamamos con una obra titulada “Back: una leenda histórica”
Entama la obra y preséntense los actores
Esta yera una obra d’un gatu al que la so propia familia echó de casa y dende entós, el gatu vive na cai nun caleyón. Un día ,un escolín del colexu Santa Olaya, dió-y al gatu’l so almuerzu.
Black- “Gracies, casi muerro de fame”.
L’escolín, al ver que’l gatu falaba, quedó ablucáu.
Escolín-¿Pués falar?”
Black- “Sí”
Escolín- “¡Qué raro!”
Black- “Nun ye nada raro, vengo d’una familia de gatos falantes y llámome Black”
Escolín- “¿Black?, ¡Cómo negru n’inglés!”
Black- “Yes, I do.I’m a black cat”
Escolín- “¿Tamién sabes inglés?”
Black- “Si, sé munchos idiomes”
Escolín- “¡Vaya!, ¡qué gatu más raru!
Dende entós fue a escondidielles a ver al gatu tolos díes ensin que lo supieren los padres. Un día los padres entamaron a sospechar y siguieron al neñu.
Black- “Gracies, collaciu, yes mui bon amigu, tolos díes dándome’l to almuerzu y yo nun puedo facer nada…”
Escolín- “Nun t’esmolezas, préstame abondo vete toles mañanes esperándome ehí escondíu, amatagáu. Pero si los mios pas s’enteren de los que faigo, nun sé si-yos fadrá muncha ilusión.”
Pá- “¿Con quién fales?”
Escolín- “Yo, yo, yo…nada, taba pensando en …”(nerviosu, ensin saber qué dicir)
Pá- (mui seriu) “¿Qu’acabes de facer? Acabo de vete, asina que cuenta qué ye lo que ta pasando”
Escolín- “¡Di-ylo a esti gatu!”
Pá- “¿Quiés llevalu pa casa?”
Escolín- “¡¡Sí!!”
Presentador: “Y agora fadremos un descansu enantes de la siguiente obra”
SEGUNDU PREMIU para Inés Hidalgo Blanco de 6º B, en TEATRU
El mio diariu ye un chismosu
Llugar:nel cuartu
Personaxes: Marta, David, Lola y el diariu
Narrador_”Como tolos díes Marta, de la que vien del colexu va corriendo al so cuartu a escribir nel so diariu.
Marta- (pensatible) “Queríu diariu, güei pasáronme coses mui interesantes: Lola díxome que m’invitaba al so cumpleaños y la profe de ximnasia que sio mui rápida”
Narrador- “Din-don. Piquen al timbre, ye David”
David- “Hola, señora Aroa, vengo a ver a la so fía”
Aroa- “¡Marta!, ta un amigu tuyu esperándote”
Marta- “Home, hola! ¿Vienes buscame pa dir al cumpleaños de Lola?”
David- “Sí, por cierto, ¿qué-y comprasti?”
Marta- (precavidamente) “dígotelo si nun-y lo dices a naide”
David- “Vaaal”
Marta- “Un diariu electrónicu”
David- (entusiasmáu) “¡Llegamos!”
Lola- “¡Hola! Toi naguando por abrir los regalos pero hasta les 4:00 nun puedo”
Narrador- “A les cuatru”
Lola- (percontenta) “¡Bien!, ya puedo abrir los regalos”
Tolos los neños xuntos- “¡El míu, el míu! ¡garra’l míu!”
Lola- “Esti mesmu”
Marta- “Ye’l míu”.
Lola- “Ye un diariu, ¡qué guapu!”
Lola- (en casa) “Voi escribir les mios coses”
Diariu- “¡Hola!, ¿vas contame les tos coses?”
Lola- “Pero,¿qué? Nun sé yo si será una bona idega… nun sé yo si va ser…l’escribir nesti diariu les mios coses…”
Diariu- “¡Anda!, asina que te gusta’l to amigu David!”
Lola- “¡Eh!, definitivamente esti diariu ye un chismosu. Voi llamar a Marta pa dicí-ylo. (Garra’l teléfonu y marca’l númberu)
Marta- “¿Diga?”
Lola- “Marta, soi Lola. Quiero que m’espliques cómo ye que’l diariu cuenta les coses que-y digo”
Marta- “¡Vaya, muyer! Nun me digas que nun lu punxisti en mou OFF, si non que lu puxisti en mou chismosón”
Lola- “Voi probalu, a ver, mou OFF. Voi escribir daqué pa ver si lo diz o non”
Diariu- “…….”
Lola- “¡Bien, bien! ¡Funciona! Agora si que voi escribir les mio coses ensin miu a que les diga”.
NAOMI 6ºA
CARLOS 5º
ANDREA 6º B
NATALIA 3º
Categorías : OlaLlingua
Últimos comentarios