XUGANDO COLA TOPONIMIA

16 03 2009

Dende la Oficina Municipal de la LLíngua de Xixón, tamos ufiertando unos talleres pa los colexos de Xixón.
Lo que facemos n’ellos ye, mediante unes fiches, tratar d’explica-yos d’onde salen los nomes de les parroquies de la ciudá y dir faciendo un ruempecabeces pa que sepan onde asitiales.

Pa finar, facemos un xuegu d’entrugues con dibuxos de llugares de les distintes parroquies.

Pa que sigan deprendiendo coses alrodiu la ciudá regalámos-yos unos llibros onde pone munches más coses de Xixón y un rompecabeces.

Espero que vos preste.
La monitora del taller: Mónica.

Esta película necesita Flash Player 7



FALAMOS D’ENRIQUETA

10 03 2009

Los neños de Sestu amás de ser mui trabayadores, son unos espertos n’Informática, y son capaces d’alcontrar información n’Internet y llueu facer coses como les que vais ver; pero lo meyor de too ye lo que-yos prestó facelo. ¡Cómo disfrutaben…! Daba gusto velos trabayar. Esperamos que vos guste.

FAI CLIC NES SEMEYES QUE VIENEN DARREU Y VERAS…

    lola - Share on Ovi 



CANTAMOS N´ASTURIANO

12 02 2009

Los neños y neñes de 3º quisieron deleitanos con un canciu mui, mui especial (ye de príncipes y princeses nun país d’ensueñu), esperamos que vos preste. Ye perimportante que sigáis la música cola lletra qu’aparece a continuación. ¡ VAMOS TOOS A CANCIAR !

YERA LA PRINCESA D’UN PAÍS

Yera  la  princesa  d’un  país

que nun  cuentu  esistió

y una  mañana  d’abril

namoróse d’un  pastor.

Yeren  mui  felices  cuando’l rei,

namás que s’enteró,

mandó encerrar  al  mozu

nun  escuru cuartón.

Y  cuenta  la  xente que d’amor

la  pricesa amaló,

sentadina nel  xardín

amustiábase  la  flor.

Pero  tolos cuentos finen bien,

y esti nun ye  esceición:

el rei morrió na guerra

y l’asuntu cambió.

 Yá  nun llinda cabres  el  mocín,

cambió  de  profesión,

güei pasea   pel xardín

nun caballu de cartón.

Yera  la  princesa d’un país,

y un caballu cartón,

y un pastor  que  ye  príncipe

y el  cuentu s’acabó.

                      SARA GARCÍA  (3º)



“EL MUNDU LES ABEYES : DULCE COMO’L MIEL”

12 11 2008

Equí podeis ver una migaya de los trabayos que ficimos y de les coses que deprendimos: la importancia de les abeyes nel mediu ambiente, en aspeutos como la polinización, les propiedades curatives del miel, les vitaminies de la xalea real o que les picadures d’abeya pueden ser un remediu pal reuma según les últimes investigaciones.

Si quereis ver más pasais pela sala d’esposiciones de cole. ¡Dexáronlou perguapu les madres! ¡Cuánta maxín!

http://blog.educastur.es/olayinos08/2008/11/10/programa-maguestu-2008/