Conciertu de Anabel Santiago

3 05 2010

         El pasáu día 9 d’abril, tuvimos nel escenariu del salón d’actos del institutu l’actuación de la cantante de tonada Anabel Santiago. Anque’l so estilu más avezáu ye’l de la música tradicional, esta famosa artista tamién tien feches delles incursiones n’otros tipos de música, siempres usando como llingua vehicular la asturiana.

         La cantante dio un repás a a la historia de la música tradicional n’Asturies, dende los sos oríxenes,  con dances ancestrales como la Danza Prima o’l Pericote, hasta anguaño, momentu nel que tamos asistiendo a un resurdimientu de tolo que tien que ver cola tradición musical del país. El conciertu tuvo bien prestosu y ello foi en parte gracies a la collaboración de dellos escolinos del nuestru institutu como Marta, Marcos y Borja, que dexaron el pabellón musical del centru nuna altura bien importante.

Esta película necesita Flash Player 7