Los escolinos y escolines de sestu de primaria trabayaron nesti mural so l’astronomía.

Cuéntenmos dalgunes curiosidaes astronómiques y 4 cosadielles  pa entretenevos un pocoñín  ¿aldovinaréisles?

La edá del universu, ye de aprosimadamente quince mil millones d’años.

• Peles varandes del cielu paséase una doncella, vestida d’azul y blancu, y relluz como una estrella.
• Un platín d’ablanes que de día se recueyen y de nueche se derramen.
• Dicen que soi rei, nun tengo reinu; dicen que soi roxu y nun tengo pelo; dicen qu‘ando y nun me meneo; y muevo reloxes ensin ser reloxeru.
• Como una peonza da vueltes al sol, xira que te xira, ensin temor.

Entrevistamos a la mayestra de llingua asturiana, Maribel.

E.   ¿Qué-y paecen los escolinos/es d’esti colexu?

R.    Paezme que son bonos, polo menos los que conozo son mui trabayadores.

E.   ¿Cuál de los colexos nos que tuvo ye’l so favoritu?

R. El colexu “Sta. María de Valdellera” de Posada de Llanes.

E. ¿En qué colexu tuvo enantes?

R. Nel colexu “El Cotayu” de Carbayín Altu.

E. ¿Qué escolinos son meyores, los de los otros colexos o los d’esti?

R. Los d’esti son más trabayadores y tienen bon comportamientu, amás présta-yos muncho falar n’asturianu.

E. ¿De pequeña que quería ser? ¿Por qué?

R. Mayestra, porque préstame muncho enseña-yos coses a tolos neños y neñes.

E. ¿Cuál ye la so opinión so la llingua?

R. La llingua ye daqué nueso, y qu’ hai que deprendela pa que nun s’escaezan les coses d’antañu..

E. ¿Por qué elixió  ser mayestra de llingua?

R. Porque prestame  muncho falala y enseña-yos a los neños y neñes tolo que deprendí d’Asturies.

E. ¿Cuánto lleva cola llingua?

R. Tres años.

E. ¿Cuánto más piensa siguir cola llingua?

R. Pa siempre.

E. ¿Foi’l magüestu como esperaba?

R. Non, foi muncho meyor, tuvimos bon tiempu y los talleres tuvieron perbién, deprendimos munches coses.

E. ¿Qué-y paeció’l pregón?

R. Mui bien, los neños/es que lo lleieron ficieronlo perbién, vese que tán avezaos a falar n’asturianu.

E. ¿Qué-y paeció’l magüestu esti añu?

R. Tuvo mui bien, tolos neños/es participaron muncho nos talleres y depues xintar castañes y beber sidra dulce, ye lo que más-yos prestó.

E. ¿Prestó-y  más esti magüestu o‘l del otru colexu?

R. El d’esti, porque nel otru nun había  talleres.

E. Nesti magüestu tuvimos xuegos ¿Cuál-y prestó más?

R. El de la xaronca.

Hasta equí cola entrevista.

                                                                                           Por: Sandra Bárcena Ledo, 5ºA