CURSU 2007-2008
El día 31 d’ochobre de 2007, vino pela nuestra clase un ser mitolóxicu terroríficu, díxonos que yera una alma vagante y que se llamarela GÜESTIA. Venía con una túnica blanca y con una vela encesa. Cuando entró na nuestra clas apagáronse les lluces y entamó a sonar una musiquina. L’alma empezó a andar pela clas y a dicir unes frases con voz terrorífica; les frases yeren dos:
Cuando yéramos vivos andábemos a figos
agora que tamos muertos andamos per estos güertos.
¡Andar, andar, hasta’l tueru la figar!
que la nueche ye mía!
Un ratu dempués, cuntónos unes hestories de lo que se dedicaben a facer ella y los sos collacios o como se-yos puea llamar.
Cuntónos qu’una vez dos muyeres que veníen de llavar la ropa vieron allalantrones una especie de procesión, diéronse cuenta de que yera la GÜESTIA y escondiéronse pa que nun les vieren porque, si los mires a los güeyos, conviérteste nún d’ellos. Llevaben a recostines un féretru y dientro d’él taba l’alcalde’l pueblu muertu. Elles colaron pa casa corriendo y al día siguiente sonaron les campanes y dixeron que l’alcalde acabare morrer.
Dempués encamentónos de como podemos fuxir de la GÜESTIA, hai delles maneres:
Nun miralos a los güeyos pa que nun te vean.
Con una vara d’olivu bendecio en Ramos facer un círculu y metete dientro.
Llueu desplicónos qu’hai xente que piensa que ye’l viáticu y va con una vela pa que-yos la prendan, al cabu unes hores esa vela camúdase nun güesu y la persona nún d’ellos.
P’acabar despidióse y coló brindándonos a qu’escribiéremos esta esperiencia y que-y la apurriéramos a la nuestra maestra d’asturianu.
Iyán Puertas
1u. C d’ESO