¡FELICES FIESTES!
16 12 2008Los nuestros meyores deseos pa esti NUEVU AÑU 2009. 
Categorías : General
Categorías : General
LA NAVIDÁ
15 12 2008Nun requexu ente payes
ta’l rei del cielu,
la lluna y les estrelles
nagüen por velu.
Una pastora fízo-y
unos calcetos
San Xosé quierlos blancos
la Virxen prietos.
Un neñu llevó-y ñueces
miel y mantega
y cáncia-y seliquino
pa que se duerma.
La lluna y les estrelles
nagüen por velu
al neñu qu’ente payes
ta nun requexu.
Y ond’l portal
ñevando ta
canciái rapazos
que ye Navidá.
Categorías : General
Sigue medrando la matriculación n’asturianu na ensañanza
10 12 2008Si andamos a la gueta de noticies que nos allagren el día, ésta ye una d’elles:
Más de 21.748 alumnos cursan Llingua Asturiana y 450 más fainlo na variedá más ocidental sumando más de 28.200 estudiantes nos centros educativos sosteníos con fondos públicos. Nos últimos 3 años hai un incrementu del 9%.
Nel cursu 2006-2007 había 19.753 matriculaos (19.514 na rede pública y 239 na concertada), el cursu siguiente foron 21.409 estudiantes (20.654 no público y 755 no concertao), pa llegar esti añu los 21.748 (21.119 y 629 ).
Hai 17.156 escolinos de Primaria matriculaos en 228 centros públicos y otros 458 en seis centros concertados. Na rede público, escueye l’asinatura un 55,3%.
En Educación Secundaria Obligatoria hai 4.054 alumnos matriculados, 3.883 en centros públicos y 171 en centros concertaos. En Bachillerato hai 538 alumnos, toos en centros públicos.
Nel estremu ocidental del país los estudiantes namás puen estudiar la variante llocal , na asinatura denomada “gallego-asturiano “, y fainlo un total de 459 alumnos esti cursu, toos no público. En primaria estudien fala 251 escolinos, na ESO 198 y en Bachilleratu 10.
Categorías : Noticies sobre l'asturianu
