¡Hola, col.lacia o col.laciu!

“Daría tolo que sé, pola metá de lo qu’inoro.”

Un saludu del Sr. Hessen a los nenos ya nenas qu’estudian asturianu, ya en particular a los del CRA d’Oubanca; hai qu’entamar de mou bien educáu p’arrancar esti nuevu artículu. Comu bien sabéis chevamos meses ya meses ensayando las presentaciones ya charras na cai, pues, eiquí tenéis los resultaos, nestas dramatizaciones grabadas la nuesas clases de ḶḶingua Asturiana ¡Qué vos preste abondo nenus!

TEBONGU

 6u CURSU DE PRIMARIA

5u PRIMARIA

2U CICLU DE PRIMARIA

 Hola, ¿qué tal tais?, espero que muitu bien, bono, por fin, eiquí tenéis el trabayu de campu que fixe nel Concursu d’Asturiana de los Vaḷḷes celebráu no recintu de La Imera’l cabeiru mes d’abril d’esti perguapu anu de 2012; comu bien sabéis el trabayu versó acerca de los nomes de vaca, eiquí vos ufro los nomes que más me prestaron pola asturianía que desprenden.

Las escolinas ya los escolinos del Colexu Rural Agrupáu d’Oubanca colan esti martes pa la Rioxa (Rioja), eḷḷí van compartir unos días inolvidables conos nenos ya nenas de Viḷḷablino ya Almería. Los nenos que se nos van son los cursos de 6u ya 5u d’Educación Primaria, ya la mayestra que los va acompañar ía Montse (tutora del Aula de Biescas - Viescas).

Una de las xeras que van tener que desendolcar ía la presentación del nuesu colexu ya del conceyu de nuesu a los nenos participantes, nenos que vienen -comu tengu dicho- de Viḷḷablinu ya Almería.

Ya, ¿cómu nos van presentar?, pues, con esti “Power Point” en formatu “pdf” qu’eíquí vos amueso, l’enḷḷaz permite ver ya baxar; bono, espero que vos preste, yá me cuntaréis.

MÍRAME

MÍRAME

MÍRAME

Los escolinos ya las escolinas del 5u cursu del CRA d’Oubanca cantan l’himnu de Cangas del Narcea,

“Al pie de 100 montañas”, versión n’asturianu.

El conceyu de Cangas del Narcea celebró la IX Selmana Cultural del Ayuntamientu de Cangas del Narcea, ente las muitas actividaes celebradas podemos destacar la “Exposición de vistidos ya instrumentos tradicionales cangueses”; la exposición tuvo coordinada pola por Maribel López Parrondo ya feita col sofitu de los escolinos ya las escolinas de la Escuela de Municipal de Música. Ésta celebrose ente los días 23 de marzu ya’l 1 d’abril de 2012.

Nós, el Colexu Rural Agrupáu d’ Oubanca visitámosla’l miércoles 28 d’abril, eiquí podemos ver los videos de la visita guiada per la profesora Maribel. Los videos son los meyores documentos esplicativos de la tradición canguesa, tradición viva nun sólo no corazón sinón nas xoyar conservadas.

 Bono, espero que vos gustara esti repertoriu audiovisual cangués, ya nun escaezáis que sin nun sabéis d’ónde vinís, mal sabréis áu vai.

Cristina cursa el 5u cursu d’Educación Primaria nel Colexu Rural Agrupáu d’Oubanca, ía una rapacina de Fontes de Corveiru que va intentar deprendenos cómu se fae una piporra,…; amás, ya quiciaves seya’l mayor valir d’esti videu, ía un exemplu vivu del asturianu n’actualidá.

DÍA INTERNACIONAL DE LA MUYER TRABAYADORA 2012

Esti xueves, 8 de marzu de 2012, cellebramos el Día Internacional de la muyer trabayadora, n’homenaxe a tolas muyeres -tolas- póngovos esti enl.laz a un cantar de Nuberu (cortesía de Youtube); cantar dedicáu a Delina la ma de Chus Pedro, cantante.

¿Yá sentimos el cantar?, bien, ¿prestóvos?, espero que sí, bono, pa eso se pon. Si queréis saber más sobre esti día tan importante, picái nesti enl.laz cortesía de la Uiquipedia:

El grupu musical chamáu “Asturiana Mining Company” foi’l grupu ganaor del concursu nomáu “Premiu al meyor cantar 2011″, col tema chamáu “Si nun conoces Val.louta”, premiu convocáu pola “Conseyería de Cultura ya Deportes del Principáu d’Asturies”; la gala d’entrega celebrouse’l sábadu 25 de febreiru no Teatru de la L.laboral en Xixón. 

Eiquí vos dexo un enllaz -cortesía de YOUTUBE- a un cantar bien famosu del mesmu grupu, pero’l cantar nun ía’l ganador, espero poder atoupar l’enllaz a lo l.largo d’esti mes; mientras tanto, quédanos esti a YOUTUBE ya outru a la páxina web oficial del mentáu concursu (onde sí que podéis sentir el cantar amás de ver la l.letra del mesmu, ensin escaecer el restu de premios daos nos cabeiros anos).