Tardes de cal viva

Aurelio González Ovies

humoenvillaorille.jpg 

                                                         (AGO. Fumu en Villaorille. 2011) 

Llamábenla Morina.

Esperábalu siempre a la puerta

los chigres, a la salida misa…

Llambíalu y poníase contenta namás

velu. Movía’l rabu y lladraba.

Madrugada. Febreru. La primavera

empieza a notase na brisa.

Amarróla nel fresnu poles pates

d’atrás.

Yera pequeña y pinta.

                                       Amarróla.

Ella taba asustada y mientres

l’amarraba, tovía lu llambía.

Pensaría que diba pelala o

enfrescala (qué sé yo lo que perramente

pensaría…).

Iñó y dos estacazos golpiaron

la mañana. Revolvióse. Mirólu

y otros dos estacazos reventaron

el día.

Estadísticas Este artículo ha sido visitado  573  veces

Add A Comment

You must be logged in to post a comment.

eBlog | Login
Subscribe to Tardes de cal viva